Eik-málið er útsett

bannari
09.04.2018 - 12:12
AktueltPengar
Eik-málið er útsett
Rættarmálið millum Fíggjarligt Støðufesti og leiðsluna í gamla Eik banka í Føroya Rætti er útsett til 27. august

Partarnir vilja fyrst gera seg lidnar við málið um Danska Eik Banka í Eystara Landsrætti.

Fíggjarligt støðufesti hevur stevnt leiðsluni í gamla Eik fyri at hava havt ábyrgd av, at bankin fór av knóranum á heysti 2010.

Rættarfundur um leiðsluna í gamla Eik banka var settur á skrá til í morgun, í morgin og mikudagin. Men tá ið útvarpið møtti upp fyrrapartin, stóðu hølini tóm.

Alt málið um leiðsluna í gamla Eik er útsett til 27. august. Orsøkin er, at rættarmálið um danska Eik banka, sum hevur verið í Eystara landsrætti, samstundis er minkað í vavi, og at partarnir nú vilja avgreiða danska málið fyrst.

Peter Flügge er ein av dómarunum í rættarmálinum um leiðsluna í gamla Eik.

- Partarnir hava ynkst at útseta málið. Har er ein broyting í próvførsluni í einum máli, sum er líkt hesum máli, sum er í Eystara landsrætti, har talið av vitnum er minkað munandi. Tað hevur eisini við sær, at málið í Eystara landsrætti helst verður avgreitt fyrr, enn væntað varð áðrenn. Ein treyt fyri hesum er tó, at málið Føroya Rætti verður útsett, sigur Peter Flügge. 

At málið nú verður útsett hevur tó ikki við sær, at dómur í málinum fer at koma seinni.

Danska málið verður avgreitt í august, og tí fara partarnir at kunna hugsavna seg um føroyska málið í heyst, sigur Peter Flügge.

 
Er kopiera

Tak niður

Nýggjastu sendingar í ÚV
Leygardag 24. juli
Morgunlestur leygardagur 24. juli 2021
126391
Fríggjadag 23. juli
Morgunlestur fríggjadagur 23. juli 2021
126390
Hósdag 22. juli
UFO Kjallarin og Rapportin 16
126810
Hósdag 22. juli
Morgunlestur hósdagur 22. juli 2021
126389
Nýggjastu sendingar í SV
Leygardag 24. juli
5mf gentur, norðoyastevna 2021
126880
Leygardag 24. juli
Video: 10mf, norðoyastevna 2021
126879
Leygardag 24. juli
Video: 8mf menn, norðoyastevna 2021
126878
Leygardag 24. juli
Video: 5mf dreingir, norðoyastevna 2021
126876
Leygardag 24. juli
5mf kvinnur, norðoyastevna 2021
126875