USA, Bretland og Frakland hava lopið á Sýria

14.04.2018 - 10:59
AktueltÚtheimurin
USA, Bretland og Frakland hava lopið á Sýria
Amerikanski forsetin segði í røðu, at álopið er eitt aftursvar upp á tað, sum hildið verður at vera kemisk álop á sýriska býin Douma.
 
 

Tak niður

USA og teirra sameindu eru sannførd um, at sýriski leiðarin Bashar Assad tilvitað leyp á sítt egna fólk við evnafrøðiligum vápnum.

- Hetta eru ikki gerðir, framdar av einum manni, hetta eru brotsverk hjá einum ódjóri, segði Donald Trump í røðuni.

NATO stuðlar álopinum

NATO-aðalskrivarin Jens Stoltenberg hevur boðað frá, at NATO stuðlar álopunum. 

- Vit kunnu ikki góðtaka, at evnafrøðilig vápn verða nýtt og tey, sum hava ábygd av hesum, mugu standa til svars fyri tað, sigur Jens Stoltenberg millum annað sambært altjóða miðlum.

Miðlar skriva eisini, at franska, bretska og amerikanska stjórnin hava váttað, at málið var at raka støð, sum goyma evnafrøðiligu vápnini hjá Sýria.

Sýriska eygleiðaradeildin av mannarættindum, sum fylgir við gongdini í Sýria, sigur, at ein ransóknarstova ella laboratiorum og fleiri hernaðarstøðir eru raktar av álopinum í nátt.

Trump endaði sína røðu í nátt við eini áheitan til amerikanska fólkið, um at biðja fyri amerikanska herinum og teirra sameindu.

 

 
Nýggjastu sendingar í ÚV
Fríggjadag 22. mars
Morgunlestur fríggjadagur 22. mars 2019
91110
Fríggjadag 22. mars
Tema: Minnissending um Tom Petty 1950-2017
92575
Hósdag 21. mars
Nón - hósdagur 21.03.19
92559
Hósdag 21. mars
Góðan morgun Føroyar 21. mars 2019
92535
Hósdag 21. mars
Leitisstein 15.03.2019 (Lena 2)
92530
Nýggjastu sendingar í SV
Mikudag 27. mars
25 minuttir: Linda Mortansdóttir
92545
Hósdag 21. mars
Ítróttarportrett: Hallur Hansson
92551
Mikudag 20. mars
Minnist tú enn? (3:13)
16392