- Tíðindi, mentan og ítróttur
Góðan morgun Føroyar
Marmennil er líkur fólki, men er í stóran mun minni í vakstrarlagi, men fingrarnir eru langir. Hann livir á havsins botni og ger útróðrarmonnum mein við at taka agnið av onglunum og seta fast í botn, so at teir mugu slíta snørini.
Søgnin er spennandi um henda lítla kúllin, marmennilin, sum bleiv krøktur og tikin til lands, har bóndin risti kross yvir hann, so hann ikki skuldi fara á sjógvin aftur.
Á heysti í 2016 tók Bygdarfelagið i Elduvík avgerð um at skipa nevnd, ið skuldi fara undir at varðveita søgnina um marmennilin. Hetta hevur so ført til samstarv við myndlistahøggaran, Hans Paula Olsen, sum skal gera eina standmynd av marmennlinum.
Samkoma verður í kirkjuni í Elduvík í kvøld kl 19.00 í Elduvíkar kirkju, har greitt verður frá tiltakinum.
Les meira um marmennilin her
Myndin vísir hvar ætlanin er at marmennilin skal standa