Arbeiðið er byrjað at gera býarlund í Klaksvík

27.04.2018 - 19:04
InnlendisPolitikkur
Arbeiðið er byrjað at gera býarlund í Klaksvík
Lundin er partur av samlaðu miðbýarætlanini hjá kommununi, og eftir ætlan verður Biskuptorgið klárt at taka í nýtslu um tveir mánaðar
Mynd: Klaksvíkar kommuna  

Arbeiðið at gera ein býarlund í miðbýnum í Klaksvík er byrjað. 

Lundin fer í fyrstu atløgu at fevna um á leið triðingin av ovara Vágsbøi. Kanjon stendur fyri jørðarbeiðnum og at leggja ein part av Ósánni um, meðan býargartnarin fer at taka sær av grøna partinum, herundir at planta trø og runnar, seinni í summar.

Ætlanin fer at taka 10-12 vikur og er mett at kosta um 900.000 krónur. 

Biskupstorgið væl ávegis

Lundin er partur av skipanaruppskotinum fyri nýggja miðbýin, sum Ósbjørn Jacobsen hevur teknað, og við tíðini er ætlanin at víðka um lundina, so hon kann fevna um ein størri part av Akursmørk.

Og hjartað í miðbýarætlanini, Biskupstorgið, verður væntandi klárt hjá fólki og fyritøkum at flyta inn í um tveir mánaðar: 

Byggingin er eitt sindur seinkað, tí ætlanin var, at fyrstu fólkini skulu flyta inn í íbúðirnar á Biskupstorgi longu í mars.

Áhugi fyri vinnuhølunum

Bygningurin er í fýra hæddum, veghæddin er ætlað útleigan til handilslív, ímeðan hinar hæddirnar húsa 30 íbúðum, sum Bústaðir leigar út. Tað eru Bústaðir sum byggir, men Klaksvíkar kommuna hevur bundið seg til at leiga vinnuhølini fyri  600.000 krónur um árið, um handlar ikki flyta inn í hølini.

Men áhugi er fyri vinnuhølunum, hóast ongin greið avtala er undirskriva enn, sigur Jógvan Skorheim:

Tilboð koma skjótt inn
Ein partur av miðbýarætlanini er, at byggja nýtt Mentanarhús. Ætlanin er at byggja uppí gamla Posthúsið, og fer hendan verkætlanin at kosta um 45 milliónir krónir. Arbeiðið er boðið út, og tilboðini koma skjótt inn, vísur bprgarstjórin á.
 

 
Er kopiera

Tak niður

Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584