Manningar gjalda part av uppboðssølu

11.05.2018 - 15:53
AktueltPolitikkur
Manningar gjalda part av uppboðssølu
Kvota, keypt á uppboðssølu, er loyvdur frádráttur, sigur Reiðarafelagið. Sambært manningarfeløgunum er avleiðingin, at hýrurnar lækka ein fjórðing
Svartkjaftakvota, keypt á uppboðssølu, sæst aftur á hýrunum hjá manningini
 
 

Tak niður

Manningarnar á skipunum, sum fiska kvotur, keyptar á uppboðssølu, kunnu rokna við munandi lønarlækking.

Gjaldið fyri kvotur, keyptar á uppboðssølu, er ein lóglig útreiðsla hjá reiðaranum at trekkja frá, áðrenn manningin fær sín part. Og henda útreiðsla verður trekt frá, staðfestir Reiðarafelagið.

Í svartkjaftafiskiskapinum verður avleiðingin, at hýrurnar lækka við einum fjórðingi, vísa útrokningar hjá manningarfeløgunum.

 

Á uppboðssølunum higartil er svartkjaftakvota seld fyri 38 oyru í meðal fyri kilo, og síðani fyri 55 oyru í meðal fyri kilo.

Harvið er prísurin á uppboðssøluni - tað vil siga prísurin fyri rættin at fiska - komin upp um ein triðing av tí, sum sami fiskur í løtuni kann avreiðast fyri. Havsbrún í Fuglafirði gevur umleið 1,50 kr fyri kilo av svartkjafti, tá skipini landa har.

Men tað verða ikki reiðararnir einsamallir, sum gjalda rokningina.

-Útreiðslurnar fyri kvotur, keyptar á uppboðssølu, verða trektar frá, áðrenn manningin fær sín sáttmálaásetta prosentpart av tí, sum skipið fiskar fyri, staðfestir Stefan í Skorini, stjóri í Reiðarafelagnum:

 

Í kunngerðini, sum skipaði royndaruppboðssølurnar í 2016 og aftur í 2017, varð ásett, at gjald fyri keyptar kvotur er ikki loyvdur frádráttur. Tað mettu reiðararnir vera eina beinleiðis, politiska uppíblandan í galdandi sáttmálar á arbeiðsmarknaðinum. Henda avmarkingin er ikki við, nú uppboðssøla á fyrsta sinni er skipað eftir nýggju fiskivinnulóggávuni.

Hoyr innslag við at trýsta á pílin undir myndini.

 

 
 
Nýggjastu sendingar í ÚV
Mikudag 18. juli
Summartímin mikudagin 18. juli
83468
Mikudag 18. juli
Summartímin týsdagin 17. juli
83453
Mikudag 18. juli
Morgunlestur mikudagin 18. juli 2018
82858
Týsdag 17. juli
Ein dreymaferia í Nashville
82844
Týsdag 17. juli
Morgunlestur týsdagin 17. juli 2018
82857
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333