Garðalíð: Mistak at leingja sáttmálan við reiðarar

11.05.2018 - 18:14
AktueltPolitikkur
Garðalíð: Mistak at leingja sáttmálan við reiðarar
-Meðan onnur fara eftir hægri løn, er ræðandi, at manningarnar skulu gjalda sín stóra part av rokningini fyri uppboðssølukvotur, siga navigatørar
Annfinnur Garðalíð, formaður í Skipara- og Navigatørfelagnum
 
 

Tak niður

Meðan øll onnur í samfelagnum fara eftir hægri løn, so er ræðandi at síggja, at manningarnar nú skulu gjalda sín stóra part av rokningini fyri kvotur, ið reiðarar keypa á uppboðssølu.

Tað sigur Annfinnur Garðalíð, formaður í Skipara- og Navigatørfelagnum, sum kennir seg drignan uppá tráð av politisku skipanini.

Felagið longdi herfyri sáttmálan við Reiðarafelagið, soleiðis at hann nú ikki kann sigast upp fyrr enn 31. januar næsta ár at fara úr gildi 1. apríl.

-Men sæð í bakspeglið var tað eitt mistak, staðfestir Annfinnur Garðalíð.

Eisini Fiskimannafelagið er farið at kanna, hvat felagið kann gera við støðuna, nú reiðarar draga uppboðssølugjaldið frá, áðrenn manningin verður avroknað.

Sambært Jan Højgaard valdi Fiskimannafelagið at leingja sáttmálan við Reiðarafelagið, tí tað gevur onga meining at fara í samráðingar um nýggjan sáttmála, meðan óvissurnar í nýggju fiskivinnulóggávuni eru so nógvar.

-Men verður hendan støðan, har reiðarar draga uppboðssølugjaldið frá, framvegis galdandi, so vil tað elva til eina øgiliga orrustu til komandi samráðingar, sigur Jan Højgaard.

Hoyr innslag og samrøðu við Annfinn Garðalíð við at trýsta á pílin undir myndini

 

 
Nýggjastu sendingar í ÚV
Mánadag 17. desember
Morgunlestur mánadagur 17. desember 2018
88937
Sunnudag 16. desember
Meg minnist: Eyðun Joensen (4:4)
88463
Sunnudag 16. desember
Bolero 16 desembur 2018
88995
Sunnudag 16. desember
Credo : Vel tað góða
88936
Nýggjastu sendingar í SV
Sunnudag 16. desember
Guðstænasta úr Viðareiðis kirkju
89003
Sunnudag 16. desember
Andaktin
88998
Leygardag 15. desember
Hvat bagir? (7:8)
87239
Hósdag 13. desember
Ein dagur í sjúkrarøktini
88903
Hósdag 13. desember
Kari-Anne í Røst (6:6)
87893