Vilja ikki kunna um tilbúgvingarætlanina

15.05.2018 - 12:07
AktueltSamfelag
Vilja ikki kunna um tilbúgvingarætlanina
Kommunulæknafelagið vil ikki siga, hvussu tilbúgvingin verður skipað í einum møguligum verkfalli
 
 

Tak niður

Kommunulæknafelagið fer ikki at kunna Heilsutrygd um undantøk í verkfalli, hóast Heilsutrygd hevur víst á, at stovnurin kann ikki góðtaka, at tað er so óvist, hvussu tilbúgvingin verður skipað.

Stjórin á Heilsutrygd, Egil á Bø hevur fleiri ferðir heitt á Kommunulæknafelagið um at kunna um tilbúgvingarætlanina hjá Kommunulæknafelagnum undir einum møguligum verkfalli.

Kommunulæknafelagið sáttmálaleyst

Men Sambært Marjus Dam, formanni í Kommunulæknafelagnum, so ætla tey ikki at kunna Heilsutrygd fyrr enn 24 tímar undan einum møguligum verkfalli, tí kommunulæknafelagið hevur síðan 1. mai ikki havt nakran galdandi sáttmála.

- Heilsutrygd kann ikki fáa ein sáttmála við kommunulæknafelagið um, hvussu vit arbeiða, tá ið vit ikki hava ein sáttmála, sigur formaðurin í Kommunulæknafelagnum.

Í seinasta teldupostinum frá Heilsutrygd til Kommunulæknafelagið, skrivar Egil á Bø, stjóri, millum annað, at Heilsutrygd ikki kann góðtaka óvissuna um, hvussu skipanin fer at virka í einum møguligum verkfalli.

Meta um støðuna frá degi til dags

Marjus Dam sigur tó, at felagið hevur svarað Heilsutrygd fleiri ferðir, at kommunulæknarnir fara at taka sær av bráðfeingisarbeiði í einum møguligum verkfalli, og at mett verður um tørvin á hjálp í hvørjum einstøkum føri.

Felagið hevur ongar royndir í slíkum verkfallstøðum, og tí er tað ómøguligt hjá felagnum neyvt at greiða frá, hvussu mannagongdin verður, sigur formaðurin. 

- Vit hava eina tilbúgvingarætlan klára, og tað er ábyrgdarfult, at vit meta um støðuna frá degi til dags, tí at tað gevur fleksibilitetin, sum skal til, fyri at man kann hava eina tilbúgving, sum er nøktandi, sigur formaðurin í Kommunulæknafelagnum um tilbúgvingarætlanina hjá felagnum.

 
Nýggjastu sendingar í ÚV
Fríggjadag 18. januar
Morgunlestur fríggjadagur 18. januar 2019
89871
Hósdag 17. januar
Nón - hósdagur 17.01.19
90085
Hósdag 17. januar
Góðan morgun Føroyar 170119
90059
Hósdag 17. januar
Morgunlestur hósdagur 17. januar 2019
89869
Nýggjastu sendingar í SV
Hósdag 17. januar
HAS#TAG: Ungdómslívið (1:4)
90053
Hósdag 17. januar
Bóndin (2:7)
89919
Hósdag 17. januar
Hassans hendur (2:4)
90024
Mikudag 16. januar
Úr savninum: Føroyskt bátasmíð
90005
Mikudag 16. januar
Til borðs við Price: sviði og pína
89928