Seinastu árini hevur Tórshavnar Big Band tikið ymisk evni upp.

Ein táttur er at heiðra stórur jazz-sangarar, og hesa ferð eigur Ella Fitzgerald tørn.

Í ár eru 100 ár liðin, síðani hon var borin í heim, vísir Mortan Zachariassen, limur í Big Bandinum, á.

Edith Dahl Jakobsen telist millum sangararnar, sum skulu syngja sangir, ið Fitzgerald, plagdi at syngja.

- Hetta er ikki nøkur løtt uppgáva, viðgongur hon, tí Ella Fitzgerald hevði sín sermerkta stíl.

Hon hevði frálíka intonatión, og so dugdi hon so sera væl at skatta.

Tað er eitt slag av improvisatión, men umframt at melodiur og rútma verða broytt, so verður sungið volapykk.

Fimm kvinnuligir sangarar og ein manligur fara at royna seg.

Vit royna at herma eftir Ellu Fitzgerald, sigur Edith Dahl Jakobsen. Vit lurta væl eftir tónleikinum og leggja okkum so tætt at tí sum gjørligt.

Konsertirnar verða í Norðurlandahúsinum leygardagin 9. juni og í Løkshøll tann 10. juni.