Tórshavnar kommuna heldur fast um staðseting

05.06.2018 - 11:43
AktueltSamfelag
Tórshavnar kommuna heldur fast um staðseting
Tórshavnar kommuna heldur fast um, at frítíðartilboðið á Argjum skal vera í Skúlanum á Argjahamri.
Jóan Petur Hentze, trivnaðarstjóri í Tórshavnar kommunu, sigur, at kommunan heldur fast í ætlanunum um at skúlin á Argjahamri skal húsa ungdómshúsinum

Tak niður

 

Leiðsla og lærarar í Skúlanum á Argjahamri hava kært Tórshavnar kommunu til Mentamálaráðið, tí tey eru misnøgd um, at kommunan hevur gjørt av, at nýggja ungdómshúsið á Argjum skal halda til í Skúlanum á Argjahamri.

Men Tórshavnar kommuna heldur fast um, at frítíðartilboðið á Argjum skal vera í Skúlanum á Argjahamri.

Sambært trivnaðarstjóranum í Tórshavnar kommunu, Jóan Petur Hentze, er tað ikki vanligt, at skúla kærar kommununa til Mentamálaráðið viðvíkjandi hølum, sum eru til felags nýtslu.

Ónøgd við avgerðina

Skúlastjórin og námsfrøðiliga ráðið í skúlanum á Argjahamri finnast at ætlanunum og hava kært kommununa til Mentamálaráðið vísandi til § 63 í fólkaskúlalógini, sum sigur:

"Nýtsla av skúlans hølum til annað endamál enn skúlans undirvísing eigur bert at vera í tann mun, tað er í sambæri við skúlans tørv. Avgerð hesum viðvíkjandi tekur kommunustýrið eftir at hava fingið ummæli frá skúlastýrinum og námsfrøðiliga ráði skúlans".

Kommunan kann gera reglur um annað virksemi

Men sambært trivnaðarstjóranum í kommununi liggur § 47 til grundar fyri staðsetingini av ungdómshúsinum í skúlanum á Argjahamri: 

- Tað er eisini ein onnur grein í fólkaskúlalógini, sum er grein 47, har kommunan kann gera reglur um, hvussu annað virksemi enn skúli kann vera á skúlunum, og tað hevur kommunan eisini gjørt, sigur Jóan Petur Hentze og leggur afturat, at ætlanin um at fyrireika eitt frítíðartilboð á Argjum hevur verið á veg í hálvtannað ár við pallborðsfundum og øðrum. 

Men formliga hevur málið ikki verið hoyrt í mun til § 63, sum merkir, at kommunan ikki formliga hevur hoyrt skúlan. 

- Tað skuldu vit kanska havt gjørt, vit hava bara ikki hildið tað vera neyðugt í og við, at vit hava brúkt eina aðra paragraff í fólkaskúlalógini, sigur Jóan Petur Hentze. 

Tilboðið heldur fram

Sambært trivnaðarstjóranum var eingin orsøk til at útseta frítíðartilboðið, hóast skúlin á Argjahamri einans hevur havt tveir dagar at koma við einum hoyringarsvari í málinum.

Trivnaðarstjórin sigur eisini, at hóast hesa kæru, so fer frítíðartilboðið at halda fram, sum ætlað. 

Hoyr samrøðu við Jóan Petur Hentze, trivaðarstjóra í Tórshavnar kommunu, omanfyri. 

 
 
Nýggjastu sendingar í ÚV
Mánadag 24. juni
Norðurljóð 24.juni 2019
95985
Mánadag 24. juni
Við seyði í fjallahagan (2:4)
95974
Mánadag 24. juni
TB fór við øllum á jóansøku
95971
Mánadag 24. juni
Morgunlestur mánadagur 24. juni 2019
95937
Sunnudag 23. juni
Við fiskimonnum á Eysturlandinum
95850
Nýggjastu sendingar í SV
Sunnudag 23. juni
Andakt við Ara Langgaard
95929
Sunnudag 23. juni
Guðstænasta í Fámjins kirkju
95931
Leygardag 22. juni
Video: 10mf, jóansøka 2019
95919
Leygardag 22. juni
Video: 5mf kvinnur, jóansøka 2019
95918
Leygardag 22. juni
Video: 8mf, jóansøka 2019
95917