Tórshavnar Bigband onki musikalskt upplop

08.06.2018 - 18:16
Mentan
Tórshavnar Bigband onki musikalskt upplop
Orkestrið varð stovnað longu í 1972
Tórshavnar Bigband í 1972
Mynd: © Brandur Øssursson  
 
 

Tak niður

Í sambandi við, at tað í fjør vóru 100 ár liðin, síðani Ella Fitzgerald varð borin í heim, tulkar orkestrið saman við ymsum sangarum løg, sum Ella sang. Dirigentur er íslendski Sigurður Flósason. Konsertir verða í Norðurlandahúsinum leygarkvøldið og í Løkshøll sunnukvøldið.

Tórshavnar Bigband varð stovnað í 1972. Tað byrjaði við, at Ludvík Breckmann, formaður í Havnar Hornorkestri, um heystið í 1971 savnaði saman eitt orkestur til at spæla til dans í Sjónleikarhúsinum. Til hetta endamál heitti hann á Brand Øssursson og aðrar tónleikarar, sum játtaðu. Eftir eitt væl eydnað dansikvøld í Sjónleikarhúsinum gjørdu tónleikararnir av at halda fram við orkestrinum og settu á stovn Tórshavnar Bigband í januar 1972. Um hetta mundnið varð læraraskúlin bygdur, og orkestrið fekk loyvi til at brúka auluna sum venjingarhøli.

Tórshavnar Bigband vandi fast eina ferð um vikuna í læraraskúlahøllini og spældi til eitt nú til V4 sendingar seint í 70unum, sum vórðu sendar úr sama staði. Annars spældi orkestrið eisini til ymisk titøk hjá virkjum og stovnum. Tórshavnar Bigband var við á Musikkstevnu á Glyvrum í 1976 og í Ítróttarhøllini á Hálsi í 1978 spældi orkestrið, tá ið Dirch Passer undirhelt fyri stúgvandi fullari høll.

Í 1980 kom nýggj manning til, og frá 1984, tá Tórshavnar Jazz Fólka og Blues festivalur varð hildin fyri fyrstu ferð, fór orkestrið gjøgnum árini at spæla á festivalinum við ymsum útlendskum solistum. Vit kunnu nevna Jesper Thilo, Jens Klyver, Eero Koivistoinen, Butch Lacy, Bjarne Thanning og Hohn Højbye.

Tað skuldi ikki verða fyrr enn í 2011, at Tórshavnar Bigband gav sína fyrstu útgávu út. Hetta vóru kend føroysk løg, sum orkestrið hevði spælt við føroyskum sangarum til eitt tiltak í 2009, tá Havnin hevði 100 ára føðingardag sum kommuna. Tað var Magnus Johannesen, sum átti útsetingarnar.

Vit hoyra í hesum innslagnum eitt brot úr einari útvarpssending frá 27. mars 1972. Tá var orksetrið bert tveir mánaðir gamalt. Ívar Iversen var vertur í sendingin. Vit hoyra Tórshavnar Bigband spæla tvey løg, sum vórðu tikin upp í Læraraskúlahøllini í 1972.

 
Nýggjastu sendingar í ÚV
Mánadag 20. august
Túrur eystur í Skúvadal
84386
Mánadag 20. august
Morgunlestur mánadagin 20. august 2018
82973
Sunnudag 19. august
Guðstænasta í Christianskirkjuni
84372
Sunnudag 19. august
Í føðingardag hjá Madonnu
84371
Nýggjastu sendingar í SV