Føroyski búskapurin er styrktur

10.06.2018 - 13:07
AktueltPengar
Føroyski búskapurin er styrktur
Kristina Háfoss, landsstýriskvinna, sigur, at føroyski búskapurin er styrktur munandi, nú ein hálv milliard av føroyskari skuld er strikað

Tak niður

Í dag er ein hálv milliard av føroyskari skuld strikað.

20 ár eru liðin, síðani Danmark og Føroyar gjørdu avtalu um lán. Avtalan segði, at lánið fall burtur, um Føroyar ikki funnu ráðevni, til dømis olju, í undirgrundini næstu 20 árini. Tað er ikki hent, og lánið er tí strikað í dag.

Landsstýriskvinnan í fíggjarmálum sigur, at føroyski búskapurin við hesum er styrktur, og at punktum loksins er sett við ein dapran kapittul av føroyskari søgu.

Samstundis merkir hetta, at uttanlandsskuldin hjá landskassanum verður eina hálva milliard minni, og tað er fíggjarmálaráðharrin fegin um. 

Við lækkaðu skuldini gerst møguleikin hjá Føroyum eisini betri at læna fleiri pengar, skuldi tørvur verið á hesum. 

- Í løtuni hava vit eina lutfalsliga skuld ikki minst samanborið við restina av Evropa, og búskapurin er sterkur. So eg vænti, at skuldi tað komið har til, at vit høvdu tørv á at læna nakrar krónur, skuldi tað í løtuni ikki verið nakar trupulleiki, sigur Kristina Háfoss millum annað. 

Hoyr samrøðuna við Kristinu Háfoss omanfyri. 

Tað var Anfinn Kallsberg, sum gjørdi avtaluna við danir. Hann var løgmaður í 1998 og segði við Dag & Viku fríggjakvøldið, at einki stóð um 20 ára tíðarskeiðið í upprunaliga uppskotinum um avtaluna.

Danir bókførdu beinaveg lánið sum eina útreiðslu, og tí hevur avskrivingin í hesum mánaðinum ongar útreiðslur við sær nú fyri danir.

 
 
Nýggjastu sendingar í ÚV
Mánadag 17. februar
City í tungum sjógvi
104928
Mánadag 17. februar
Dagsins yrking - Hitt blinda liðið
104570
Mánadag 17. februar
Góðan morgun Føroyar 170220
104913
Mánadag 17. februar
Morgunlesturin mánamorgunin 17. februar 2020
104413
Sunnudag 16. februar
Bolero
104898
Nýggjastu sendingar í SV
Sunnudag 16. februar
Guðstænasta úr Árnafjarða kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andaktin
104891
Leygardag 15. februar
Hondbóltur: H71 - Kyndil
104880
Leygardag 15. februar
Hondbóltur: H71 - VÍF
104874