Kunngerðin skal verja fuglin á øllum útoyggjum

24.07.2018 - 13:28
InnlendisSamfelag
Kunngerðin skal verja fuglin á øllum útoyggjum
Tað er ein stórur trupulleiki, at allar útoyggjar ikki eru fevndar av somu kunngerð, sum Ramsar-økini eru, tí fuglurin er eisini hóttur har.

Tað er ein stórur trupulleiki, at allar útoyggjar ikki eru fevndar av somu reglugerð, sum ramsarøkini eru, tí fuglurin er eisini hóttur har. Tað sigur Olga Biskupstø, samskipari í útoyggjafelagnum. 

Um vikuskiftið blivu 8 vatnskutarar tiknir fyri at sigla í víkini í Nólsoy, sum er ramsarøki. Ramsarkunngerðin sigur millum annað, at frá 15. apríl til og við 31. august er bannað at sigla við vatnskutarum nærri enn 500 metrar úr landi kring Nólsoy, Skúvoy, Mykinesi og Mykineshólm, sum eru Ramsaroyggjar.

Ramsarkunngerðin, sum kom í fjør, byggir á lógina um at verja havumhvørvið. Kunngerðin er sett í gildi fyri at verja fuglin.

Men trupulleikin er eisini stórur aðrastaðni í Føroyum, og tað er ein trupulleiki, at kunngerðin ikki fevnir um allar útoyggjar, sigur Olga Biskupstø.

Tí hevur útoyggjafelagið heitt á landsins myndugleikar um at gera nakað við trupulleikan. Men enn er so at siga einki gjørt. 

Heilt ítøkiliga mælir útoyggjafelagið til, at allar útoyggjar verða fevndar av somu reglugerð, sum ramsarøkini eru. Í núverandi løtu eru tað bara Mykines, Skúvoy og Nólsoy, sum eru ramsarøki. 

Olga Biskupstø sigur, at sjálv ramsarskipanin er dýr, og tí er hon ikki so áhugað í, at allar útoyggjar vera ramsar-øki. Men hon heldur, at sama kunngerðin, sum er galdandi fyri ramsarøki, eisini burdi verið galdandi fyri allar útoyggjar, tí fuglurin eisini er hóttur har.

 
Er kopiera

Tak niður

Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858