Ikki allir hjartastartarar eru skrásettir

11.08.2018 - 16:17
AktueltHeilsa
Ikki allir hjartastartarar eru skrásettir
Tað er ein trupulleiki, at allir hjartastartarar ikki eru skrásettir, tí hjartastartarin kann verða munurin millum deyða og lív, sigur Jógvan Jensen
Hesin hjartastartarin hongur til dømis í skúlanum á Velbastað.

Tak niður

Fleiri hjartastartarar í Føroyum eru ikki skrásettir. Tað er ein trupulleiki, tí hjartastartarin kann verða munurin millum deyða og lív. Tað sigur Jógvan Jensen, leiðari hjá Ansni Tilbúgving.

Um tú fert inn á hjartastartari.fo og hyggur eftir, hvar hjartastartarar eru í Føroyum, sæst tað, at eingin er skrásettur í til dømis Dímun, Skúvoy, Hesti og Koltri. Men hetta merkir tó ikki neyðturviliga, at eingin hjartastartari er á hesum hesum oyggjum.

Á heimasíðuni eru 287 hjartastartarar skrásettir í Føroyum. Men Jógvan Jensen sigur, at gott 100 hjartastartarar enn ikki eru skrásettir. Og tað er ein trupulleiki, sigur hann. 

Tað er ikki ásett við lóg, at mann skal skráseta hjartastartaran, men Jógvan Jensen eggjar øllum til at skráseta sín hjartastartara á hjartastartari.fo, tí fleiri dømi eru um, at ein hjartastartari hevur bjargað lívi, sigur hann.

Í Føroyum hava vit umleið 400 hjartastartarar tilsamans. Tað kann ljóða nógv fyri eitt lítið land sum Føroyar. Men tað er tað als ikki, sigur leiðarin hjá Ansni Tilbúgving.

 
 

Sí eisini

Nýggjastu sendingar í ÚV
Týsdag 18. februar
Dagsins yrking - Hinumegin vindeygað
104238
Týsdag 18. februar
Góðan morgun Føroyar 18. februar
104969
Mánadag 17. februar
Við Tórði á túri á náttarvakt
104938
Nýggjastu sendingar í SV
Týsdag 18. februar
Sí stuttdokumentarin: KOKS og stjørnurnar
104965
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andakt við Hjørdis Háberg
104891