Flutt sjey ferðir í fimm ár

04-09-2018

Rannvá G. Rasmussen og familja hennara hava ikki havt fastan bústað í fimm ár, og seinastu mánaðirnar hava hon og sonurin búð hjá vinfólki

Í fimm ár hevur Rannvá Rasmussen í Havn ikki havt fastan bústað.

Sjey ferðir hevur hon verið noydd at flyta, tí leigumálið, sum hon búði í, gekk út ella varð uppsagt.

Í dag býr hon hjá vinfólki, meðan hon hvønn dag leitar eftir einum býli at leiga í Havn.

Fólk eru sperd

Elin Hentze, sum er nevndarlimur í áhugafelagnum, Búgva, sigur, at tey merkja væl, hvussu sperd fólk eru.

Tað kemur fram, bæði tá fólk venda sær til felagið og í kjakbólkinum á Facebook, sum eitur Fjølbroyttari bústaðarmøguleikar í Føroyum.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)