- Tíðindi, mentan og ítróttur
Góðan morgun Føroyar
Tann triðja desember verður nýskrivaði, føroyski jólakalendarin, Flytifuglar, at hoyra í Barnaútvarpinum.
Men børnini sleppa eisini at arbeiða víðari við jólakalendaranum, tá tey fara í skúla.
Barnaútvarpið og Nám hava samstarvað um undirvísingartilfarið, sum tekur støði í tí, ið fer fram í jólakalendaranum. Tilfarið er serliga ætlað miðdeildini.
- Jólakalendarin nemur við nógv ymisk evni og viðurskifti, sum næmingarnir heilt víst kunnu arbeiða víðari við eftir at hava hoyrt jólakalendaran, sigur Marjun Ziskason, sum saman við Gunvá Magnussen hevur framleitt undirvísingartilfarið vegna Nám.
- Ætlanin er, at næmingarnir skulu kunnu brúka jólakalendaran aftur so ella so í fyrst og fremst føroyskum men eisini í heimkunnleika og søgu og samtíð, sigur Gunvá Magnussen.
Tað er Elin á Rógvi, sum hevur skrivað nýggja jólakalendaran. Niclas Johannesen hevur gjørt tónleikin.