Verkfallsrætturin skerjast

11.09.2018 - 18:19
AktueltPolitikkur
Verkfallsrætturin skerjast
Løgmaður ætlar at skerja verkfallsrættin við lóg, og tað mótmæla seks fakfeløg harðliga í yvirlýsing.
 
 

Tak niður

Løgmaður ætlar at skerja verkfallsrættin við lóg. Og tað mótmæla seks fakfeløg harðliga í yvirlýsing. 

Men talan er ikki um at avtaka verkfalsrættin, men at tryggja at lív og heilsa ikki verður sett í váða hjá teimum mest útsettu í einari verkfalsstøðu. 

Í viðmerkingunum til løgmanssrøðuna, stendur ein orðing, sum nú, hálvan annað mánaða eftir at Aksel V. Johannesen helt sína røðu, fær seks fakfeløg at mótmæla.

- Vit kunnu ikki góðtaka tað, at tað verður gjørd ein lóg, sum skerjir verkfallsrættin hjá fakfeløgunum. Myndugleikin hevur allan rættin á sínari síðu, og við at taka verkfallsrættin frá okkum, so hava vit einki, sigur Óluva í Gong, forkvinna í Felagnum Føroyskir Sjúkrarøktarfrøðingar.

Og tað, sum fakfeløgini so harðliga og bersøgið mótmæla, er hendan orðingin á síðu 40 í viðmerkingunum:

"Løgmaður hevur heitt á Samferðslumálaráðið, sum varðar av arbeiðsmarknaðarmálum, um at umhugsa, hvussu lóggáva kann setast í verk, har tað púra greitt framgongur, hvussu skal farast fram í verkfallsstøðu, har lív ella stór samfelagsvirði eru í váða. Hugt verður at, hvussu gjørt verður í okkara grannalondum, har sama arbeiðsmarknaðarmodel verður nýtt."

Løgmaður heldur tó, at fakfeløgini eru ógvuslig í teirra orðum, tí talan er als ikki um at avtaka verkfallsrættin. Løgmaður heldur eitt nú, at tað er skilagott at hyggja eftir, meðan friður valdar, hvussu forðast kann fyri, at lív eru í váða, tá verkfall eitt nú rakar eitt sjúkrahús. 

Men fakfeløgini halda, at hetta er eitt sera álvarsamt brot á rættindi hjá einum parti á arbeiðsmarknaðinum, sum eru vunnin gjøgnum hart stríð. Fakfeløgini halda, at tað er at taka alt tað sum fakfeløgini hava bart fyri, síðani tey vóru sett á stovn, burtur. 

Hoyr innslagið omanfyri. 

 
Nýggjastu sendingar í ÚV
Nýggjastu sendingar í SV
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382
Mikudag 12. september
»Bumbuflogfarið á Nakki«
16409