Lógarbroytingin fer at skaða ferðavinnuna

13.10.2018 - 11:39
AktueltPolitikkur
Lógarbroytingin fer at skaða ferðavinnuna
Lógarbroytingin um meirvirðisgjald á leigubilum, sum verða seldir, fer at gera, at færri ferðafólk koma til Føroya, sigur Árni Olsen

Tak niður

Fólk, sum ætla sær til Føroya at ferðast, setast aftur, um tey ikki kunnu leiga bil her.

Lógarbroytingin um meirvirðisgjald á leigubilar, sum verða seldir, fer at gera, at færri ferðafólk koma til Føroya.

Tað sigur formaðurin í Ferðavinnufelagnum, Árni Olsen.

Hann heldur, at í staðin fyri at fara eftir leigubilamarknaðinum, øllum sum hann er, átti landsstýrið at farið eftir teimum fáu, sum misbrúka lógina.

Ferðavinnufelagið hevur biðið Fíggjarnevndina um at sleppa til orðanna har.

Ferðavinnufelagið hevur skrivað til Fíggjarnevndina og biðið um fund, tí felagið vil sleppa at siga sína hugsan um ætlanina hjá landsstýrinum at broyta lógina um meirvirðisgjald, so bilasølur skulu gjalda meirvirðisgjald fyri seldar bilar, sum upprunaliga eru skrásettir sum leigubilar.

Uppskotið fær álvarsamar avleiðingar fyri ferðavinnuna, sigur Ferðavinnufelagið.

Útvarpið hevur roynt at fáa viðmerkingar frá bilasølum og bilútleigarafyritøkum.

Eingin, sum vita hava tosað við, vil gera viðmerkingar.

Tó siga fleiri, at lógarbroytingin fer ikki at ávirka tey, tí tey brúka leigubilarnar so mikið leingi.

 
 
Nýggjastu sendingar í ÚV
Mánadag 28. september
Morgunlestur mánadagur 28. september 2020
113939
Sunnudag 27. september
Frá stríðsárunum (13:15)
113276
Sunnudag 27. september
Meg minnist
114012
Sunnudag 27. september
Minnismyndir: Torbjørn Poulsen
113769
Sunnudag 27. september
Guðstænasta úr Skála kirkju
114002
Nýggjastu sendingar í SV
Sunnudag 27. september
Guðstænasta úr Kollafjarðar kirkju
114003
Sunnudag 27. september
Andaktin
114007
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812