- Uppskotið var púra óvæntað

bannari
25.10.2018 - 13:01
AktueltPolitikkur
- Uppskotið var púra óvæntað
Helena Dam á Neystabø, forkvinna í tingbólkinum hjá Javnaðarflokkinum, sigur, at uppskotið hjá Framsókn als ikki kann góðtakast.
 
 

Tak niður

Tað kann als ikki góðtakast, at Framsókn leggur uppskot fyri tingið á einum málsøki, sum hoyrir til ein annan landsstýrismann og sum snýr seg um kjarnumálini hjá samgonguni.

Tað sigur forkvinnan í tingbólkinum hjá Javnaðarflokkinum, Helena Dam á Neystabø. Hon heldur tað vera serliga álvarsamt, at tað er ein heilur flokkur, sum hevur lagt uppskotið fram.

Framsókn legði fram uppskot

Uppskotið hjá Ruth Vang og Honnu Jensen um at útseta kvotaskipanina eitt ár var ein bumba, sum bleiv slept niður yvir samgonguna í gjár. 

Eitt uppskot, sum bæði hevur vakt vreiði og undran millum samgongulimir, tí við hesum leggur Framsókn seg beint út í málsøkið hjá einum øðrum landsstýrismanni.

Vil hava, at uppskotið verður tikið aftur

Forkvinnan í tingbólkinum, Helena Dam á Neystabø, hjá Javnaðarflokkinum kann als ikki góðtaka framferðina hjá Framsókn.

- Tað kann bara ikki góðtakast, og eg taki tað sum givið, at uppskotið verður tikið aftur, sigur Helena Dam á Neystabø.

Júst tað sama segði forkvinnan í tingbólkinum hjá Tjóðveldi, Annita á Fríðriksmørk í gjár.

-  Ein einstakur tinglimur ella ein flokkur kunnu ikki av sínum eintingum leggja mál fram og taka ræðið frá landsstýrismanninum soleiðis, tað ber ikki til. Har er ikki síðsta orðið sagt, sigur Annita á Fríðriksmørk.

Viðgera støðuna á fundi

Sostatt draga Javnaðarflokkurin og Tjóðveldi til at síggja somu línu og fordøma stigið hjá triðja samgonguflokkinum, Framsókn, sum í gjár - púra óvæntað fyri bæði løgmann og landsstýrismannin í fiskivinnumálum - setti uppskot fram um at útseta skiftið frá fiskidøgum til kvotur eitt ár.

Javnaðarflokkurin fer á innanhýsis fund í dag at viðgera støðuna í samgonguni.

Hoyr innslagið og samrøðu við Helenu Dam á Neystabø omanfyri.

 
Nýggjastu sendingar í ÚV
Fríggjadag 16. november
Síðsta Skríggj 16.november 2018
87577
Fríggjadag 16. november
Pressan: Fleiri uttanlandstíðindi
87803
Fríggjadag 16. november
Morgunlestur fríggjadagur 16. november 2018
87206
Hósdag 15. november
Americana: 2010 - 2017
87754
Hósdag 15. november
Góðan morgun Føroyar 151118
87744
Nýggjastu sendingar í SV
Fríggjadag 16. november
Lyst 21
87771
Hósdag 15. november
Tað er nú vit liva
87775
Hósdag 15. november
25 minuttir: Høgni Rasmussen
87753
Hósdag 15. november
Tore leitar (5:5)
87211
Mikudag 14. november
25 minuttir: Steintór Rasmussen
86972