Einki flag á Glasi

07.11.2018 - 13:22
AktueltPolitikkur
Einki flag á Glasi
Serliga sedum flagtekjan kann ikki leggjast á skúlan, og pengarnir eru brúktir til at gjalda aðrar eykarokningar
Hóast løgtingið í fjør játtaði sjey milliónir krónur til serliga sedum flagtekju á Glasi, so er framvegis einki flag lagt á. Men pengarnir eru brúktir til at gjalda aðrar eykarokningar.
 
 

Tak niður

Í fjørsummar játtaði løgtingið sjey milliónir krónur til eina serliga flagtekju á skúladepilin í Marknagili í Havn. Talan er um eina serliga "sedum" flagtekju, ið er væl lættari enn vanligt flag.

Framvegis er eingin flagtekja løgd á - og Landsverk veit framvegis ikki, um tað yvirhøvur ber til at leggja hesa serligu flagtekju á bygningin. 

-Ráðgevararnir hava framvegis ikki funnið eina tekniska loysn, sum er haldbar til føroyska veðurlagið, sigur Ewald Kjølbro.

Stjórin á Landsverki vísir á, at til ber ikki at leggja vanliga, føroyska flagtekju á bygningin, tí tað takið vil vera ov tungt í mun til konstruktiónina á bygninginum.

Men pengarnir fyri flagtekjuna, sjey milliónir krónur, eru brúktir. Teir eru farnir til at gjalda aðrar eykarokningar, sum stinga seg upp, nú arbeiðið hjá arbeiðstakarunum skal gerast upp.

Trýst á pílin undir myndini fyri at hoyra Ewald Kjølbro greiða frá søguni um flagtekjuna.

 

 
Nýggjastu sendingar í ÚV
Nýggjastu sendingar í SV
Mikudag 20. mars
25 minuttir: Jóna Joensen
92340
Mánadag 18. mars
3-2
92439
Sunnudag 17. mars
Guðstænasta í Havnar kirkju
92392
Sunnudag 17. mars
Andaktin
92389
Leygardag 16. mars
Estetiskur fimleikur, 2 partur
92376