Menningarkvotur vanlukka fyri Sandoy Seafood

bannari
16.11.2018 - 18:28
AktueltVinna
Menningarkvotur vanlukka fyri Sandoy Seafood
Felagið var partur av umsókn um menningarkvotu til Sandoynna, men fiskurin endar í staðin í Fuglafirði, og virkið í Skopun liggur stilt.
Hans Jákup Mikkelsen, nevndarformaður í Sandoy Seafood.

Tak niður

Menningarkvoturnar hava higartil verið ein vanlukka fyri okkara virki. Tað sigur nevndarformaður í Sandoy Seafood, sum hevur ligið stilt at kalla allan oktober. 

- Hóast vit vóru partur av eini umsókn, sum fekk tillutað menningarkvotu til Sandoynna, vóru vit bara áskoðarar, meðan makrelurin og sildin vórðu landað í Fuglafirði. Enntá av somu skipum, sum vanliga høvdu avreitt upsa til okkara virki, sigur Hans Jákup Mikkelsen.

Í summar fekk Hans Jákup Mikkelsen ein fyrispurning frá reiðarínum Vørðustíggjur um at vera við í eini verkætlan at útvega menningarkvotu til Sandoynna. Stjórin í Marine Harvest, sum eisini er nevndarformaður í Sandoy Seafood, játtaði, og seinni fekk Vørðustíggjur tilluttað menningarkvotu.

Ein trupulleiki, sambært Hans Jákupi Mikkelsen, er, at eingin undirskrivað avtala er millum partarnar - tað vil siga Vørðustíggjur og Sandoy Seafood. 

Meðan Eysturbúgvin og Vesturbúgvin fiska menningarkvotur - makrel og norðhavssild - ið verða landaðar til Pelagos í Fuglafirði, liggur virkið í Skopun stilt.

- Í 15 arbeiðsdagar í oktober hevur einki arbeiði verið til tey 50-60 fólkini á virkinum í Skopun. Eingin menningarkvota og heldur eingin upsi, sum virkið annars plagar at keypa frá somu skipum, sum nú fiska hesa menningarkvotu, sigur Hans Jákup Mikkelsen.

Reiðaríið Vørðustíggjur hevur í brævi frá Fiskimálaráðnum fingið freist til hósdagin 22. november kl. 16:00 at fáa viðurskiftini uppá pláss, soleiðis at restin av menningarkvotuni hjá felagnum kann landast til virkið í Skopun. Ella verður menningarkvotan tikin aftur.

Hans Jákup Mikkelsen veit í dag ikki at siga, um Sandoy Seafood yvirhøvur hevur hug at gera nakra avtalu við Vørðustíggjur.

Hoyr samrøðu við Hans Jákup Mikkelsen við at trýsta á pílin undir myndini

 
 
Nýggjastu sendingar í ÚV
Mikudag 16. oktober
Nón - 16. okt. 2019
99960
Mikudag 16. oktober
Áðrenn Elvis: Elligamal tónleikur
99951
Mikudag 16. oktober
LEITISSTEIN 14.10.2019 (1t)
99923
Mikudag 16. oktober
LEITISSTEIN 14.10.2019 (2t: GRACE 25 ÁR)
99922
Mikudag 16. oktober
Morgunlestur mikudagur 16. oktober 2019
99845
Nýggjastu sendingar í SV
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745
Mikudag 9. oktober
Fótbóltur: Føroyar - Norra (kvinnur)
99695