Heðin lovar heildarloysn við tunnilsmunnar

20.11.2018 - 14:58
InnlendisPolitikkur
Heðin lovar heildarloysn við tunnilsmunnar
Ein heildarloysn skal gerast fyri innkomuvegirnar báðumegin Eysturoyartunnilin, sigur Heðin Mortensen.
Heðin Mortensen, landsstýrismaður í samferðslumálum, millum konuna Hjørdis Egholm Mortensen og floksformannin og løgmann Aksel V. Johannesen

7.oktober í 2016 gjørdu Hendrik Old og Heðin Mortensen eina avtalu um innkomuvegin til Tórshavn. Tá var Heðin Mortensen borgarstjóri í Havn - nú er hann landsstýrismaður í samferðslumálum:

-Ein heildarloysn skal gerast fyri innkomuvegirnar báðumegin Eysturoyartunnilin, sigur Heðin Mortensen ídag, tvey ár eftir politisku semjuna.

Í fíggjarlógaruppskotinum fyri 2019, sum er seinasta fíggjarlóg hjá sitandi samgongu, er ein millión krónur sett av til "Innkoyringarveg til Tórshavn, íbinding." 

Heðin Mortensen vil tó hava eina heildarloysn, gjørd í samstarvi við Tórshavnar og Runavíkar Kommunu, kjølfesta í eini nýggjari verklagslóg, sum skal leggjast fyri løgtingið.

Í mars mánað var Heðin Mortensen við til at leggja uppskot til samtyktar fyri løgtingið um at bjóða Fámjinstunnilin út saman við Hvalbiartunlinum. Nú er hann landsstýrismaður í eini samgongu, sum vil gera Dalstunnilin fyrst, áðrenn Fámjinstunnilin. Ta semjuna sigur Heðin Mortensen seg vilja halda. 

Heðin Mortensen er 72 ára gamal. Hann hevur sitið í Tórshavnar Býráði síðani 1973 og var borgarstjóri frá 2004 til 2016. Hann varð fyrstu ferð valdur á løgting í 1998.

 

Hoyr samrøðu við Heðin Mortensen við at trýsta á pílin undir myndini.

 

 
Er kopiera

Tak niður

Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585