Verklagslógirnar verða lagdar fyri tingið í januar

16.12.2018 - 16:15
InnlendisPolitikkur
Verklagslógirnar verða lagdar fyri tingið í januar
Verklagslógir um innkomuvegirnar úr Eysturoyartunlinum til Havnar og gjøgnum Runavík eru lidnar og koma í Løgtingið í januar, sigur Heðin Mortensen

Tá Heðin Mortensen tók við sum landsstýrismaður í samferðslumálum fyri trimum vikum síðani, segði hann, at hann fór at arbeiða við at gera eina verklagslóg fyri innkomuvegirnar úr Eysturoyartunnlinum til Havnar og gjøgnum Runavík.

Annika Olsen, borgarstjóri í Tórshavnar kommunu, vísir á, at lítil fígging er sett av á fíggjarlógini 2019 til innkomuvegirnar. Men fíggingin skal fáast til vega næsta ár og komandi árini, sigur Heðin Mortensen.

Hann vísir á, at tvær verklagslógir - ein fyri innkomuvegin til Havnar og ein fyri innkomuvegin gjøgnum Runavík - eru lidnar, og verða lagdar fyri tingið í januar.

Spurdur um, hvørt hann hevur tryggjað sær, at fígging verður játtað, svarar Heðin Mortensen, at hann gongur út frá, at samgongan og Løgtingið eru til reiðar at játta pening næsta ár og komandi árini.

 
Er kopiera

Tak niður

Nýggjastu sendingar í ÚV
Hósdag 18. apríl
RagnarRokk 18.apríl 2024
173152
Hósdag 18. apríl
RagnarRokk: Walter Trout um Broken
173150
Hósdag 18. apríl
Jazzofonin 18. apríl 2024
173917
Nýggjastu sendingar í SV
Hósdag 18. apríl
Mett fyri minni (3:3)
173887
Mikudag 17. apríl
Dagur og vika - teknmálstulkað
173851
Týsdag 16. apríl
Veðrið
173819