KRIS skipar fyri innsavning

KRIS er ein felagsskapur, sum veitir hjálp til fólk yvir 18 ár, ið hava verið fyri kynsligum ágangi sum børn. Kynslig misnýtsla av børnum í Føroyum er umfatandi. Beinta Pedersen, forkvinna í KRIS, sigur, at 150 vaksin fólk um árið seta seg í samband við felagsskapin at leita sær hjálp fyri seinárin av kynsligari misnýtslu. Vaksandi talið ger, at tørvur er fyri meiri peningi. Tí skipar stuðulsgrunnurin hjá KRIS fyri innsavning leygardagin 30. mars 2019. Um tú vilt luttaka í innsavningini, kanst tú seta teg í samband við KRIS á www.kris.fo ella á facebook. Hoyr Beintu Pedersen greiða frá í innslagnum.