- Tíðindi, mentan og ítróttur
Góðan morgun Føroyar
Signa Vár Dávadóttir Næs Joensen hevur vunnið trý heiðursmerki á Special Olympics.
Hon vann silvur í 200 blandaðari svimjing í gjár, leygardagin, og í Í dag hevur hon vunnið bronsu í 200 frí og silvur í 100 firvald.
Tróndur Ravnsfjall, ítróttarráðgevi hjá Parasport Føroyar og ferðaleiðari, sigur, at hetta fyrst og fremst er ein sera stór uppliving fyri føroyska ferðalagi.
Harumframt er tað mennandi at vera við, og fleiri vinarbond verða eisini knýtt.
Tað er ilt at siga, um vit fáa fleiri heiðursmerki, men vónirnar eru kortini hampuliga góðar, metir hann.
Endahátíðin á Special Olympics í Abu Dhabi og Dubai er 21. mars.
22. mars á morgni byrjar heimferðin hjá føroyska ferðalagnum.
Yvir 7000 ítróttarfólk við menningartarni úr øllum heiminum eru við á Special Olympics World Games í Abu Dhabi og Dubai.
Sambært fyriskiparunum er talan um størstu ítróttarhending yvirhøvur í 2019.
Á føroyska Special Olympics liðum eru Bjørt Hermansen, Eyð Patursson, Súsanna Johannesen og Jenny Solveig Thomsen, sum luttaka í rútmiskum fimleiki. Heidi Eliasen og Signa Vár Joensen skulu umboða Føroyar í svimjing. Meiken Salberg Olsen og Rúni Jacobsen luttaka í frælsum ítrótti, meðan Hilda
Poulsen og Oddur Gleðisheygg skulu kappast í ávikavist boccia og badminton.