Radarin: Bæði fíggjarstýring og eftirlit sviku

bannari
17.04.2019 - 16:25
AktueltPolitikkur
Radarin: Bæði fíggjarstýring og eftirlit sviku
Í sendingini verður hugt nærri eftir frágreiðingini hjá Landsgrannskoðanini um meirnýtsluna av verkætlanini at byggja skúladepil við Marknagil
Beinta Dam, landsgrannskoðari, og Jónleif Johannesen, formaður fyri løgtingsgrannskoðararnar
Mynd: © Jón Brian Hvidtfeldt  

Tak niður

141 síður drúgva frágreiðingin hjá Landsgrannskoðanini er lemjandi lesnaður. Frágreiðingin lýsir Landsverk sum ein stovn við fíggjarligum óskili og út av lagi vánarligari fíggjarstýring. Samferðslumálaráðið verður lýst sum eitt aðalráð, sum einki hevur gjørt fyri at røkja sína eftirlitsskyldu við Landsverki, sum aðalráðið annars hevur evstu ábyrgd av. Og Mentamálaráðið verður lýst sum eitt aðalráð, sum ikki hevur lyft ein fingur fyri at at hava eitt veruligt eftirlit við teimum hundraðtals milliónunum, sum løgtingið hevur játtað aðalráðnum til at byggja ein skúladepil fyri, og aðalráðið síðani hevur latið Landsverk umsita fyri seg.

Heldur ikki politiska skipanin sleppur undan. Landsgrannskoðanin staðfestir, at so seint sum í fjørsummar ber løgmaður eitt villeiðandi svar frá sínum landsstýrismanni í samferðslumálum víðari til løgtingsgrannskoðararnar. 

Samanumtikið vísir kanningin, at vantandi virðingin fyri grundleggjandi reglum um stýring og eftirlit, hevur verið atvoldin til, at tey tøl, ið Landsverk hevur lagt fyri Mentamálaráðið, og sum Mentamálaráðið hevur váttað fyri Fíggjarmálaráðnum, hava ikki verið røtt. Tað hevur gjørt, at landsroknskapurin, ið Løgtingið hevur samtykt, hevur ikki verið rættur. Eftirlitið við fíggjarliga partinum av verkætlanini hevur stórt sæð ikki verið til staðar. 

Radarin byggir fyrst og fremst á skrivliga tilfarið í frágreiðingini, umframt samrøðu við Beintu Dam, landsgrannskoðara.

Hoyr sendingina við at trýsta á pílin undir myndini.

 
 

Sí eisini

Nýggjastu sendingar í ÚV
Sunnudag 17. november
Credo: Exoplanetur
100894
Leygardag 16. november
Tá guillotinan framvegis virkaði
100187
Leygardag 16. november
Kjakaríið: Herborg, Andras og Sóley
101146
Leygardag 16. november
Leygardagur 16. november 2019
101141
Nýggjastu sendingar í SV
Leygardag 16. november
Andaktin
101148
Mánadag 11. november
3-2
100936
Sunnudag 10. november
Andakt við Jákup Eli Østerø
100878
Sunnudag 10. november
Stórmøti í Høllini á Hálsi
100880