Barnagarðurin og skúlin skulu hitast við vatnorku

Barnagarðurin og skúlin í Kvívík skulu hitast við vatnorku í framtíðini. Kvívíkar kommuna ætlar at gera eitt minivatnorkuverk í bygdini fyri at sleppa undan oljuni. 

Kommunan hevur sett sær fyri at verða grøn, sigur borgarstjórin, Heri Múller. Kvívíkar kommuna brúkar 250.000 kr. um árið til olju at hita barnagarðin og skúlan.

Umhvørvisárinsmeting er send til Umhvørvisstovuna, sum vil hava viðmerkingar um hana í seinasta lagi um eina viku, 30.mai.

Andras Strøm, djóralækni, hevur kannað áirnar til umhvørvisárinsmetingina, sum Kvívíkar kommuna hevur sent Umhvørvisstovuni.