Vit eru á rættari leið

Stórdysturin hjá føroyska manslandsliðnum í fótbólti í móti Spania fríggjakvøldið er farin aftur um bak, punktum er sett og nú verða kreftirnar brúktar upp á fyrireiking til dystin í móti grannunum í Norra í annaðkvøld.

Uppgávan hjá landsliðnum er at byggja víðari á góðu tættirnar, sum vóru at síggja fríggjakvøldið, sigur Atli Gregersen, liðformaður á føroyska fótbóltslandsliðnum.

EM-undankappingar-dysturin millum Føroyar og Norra verður á Tórsvølli í annaðkvøld klokkan 19.45.

Útvarpið sigur frá dystinum og byrjar at senda klokkan 18.20. Sjónvarpið byrjar at senda klokkan 19.15.