- Tíðindi, mentan og ítróttur
Átrokandi tørvur á fleiri námsfrøðingum
Nýstovnaða Dagstovnarráðið hevur havt sín fyrsta fund og hevur skipað seg. Hildur Patursson er forkvinna í ráðnum.
Dagsstovnaráðið skal geva kommunum ráð og vegleiðing um námsfrøðiligar spurningar.
Í Dagstovnaráðnum eru umboð fyri Kommunufelagið, Mentamálaráðið, Fróðskaparsetrið, Javnstøðunevndina og Pedagogfelagið.
Tey eru vald fyri trý ár.
Vandi er fyri góðskuni á dagstovnum
Ráðið er samt um, at tilvitskan um týdningin, sum góðir dagstovnar hava, skal styrkjast í almenna rúminum, koma á breddan i politisku skipanini og raðfestast.
Nógvir dagstovnar hava í løtuni sera trupult við at fáa útbúgvið starvsfólk.
Vandi er tí fyri góðskuni á dagstovnaøkinum, um økið ikki verður raðfest í mun til námsfrøðiliga dygd, sigur Dagsstovnaráðið.
Alt ov fáir námsfrøðingar
Forkvinnan í ráðnum, Hildur Patursson, sigur, at í dag hava bert 37% av starvsfólkunum á dagstovnaøkinum útbúgving, og sambært lógini skulu tað vera minst 67% starvsfólk við útbúgving.
Tað er ein trupulleiki, sigur forkvinnan.
Dagstovnaráðið hevur bert havt ein fund enn, men Hildur Patursson ætlar, at ráðið skal koma við sínum fyrsta tilmæli áðrenn nakrar mánaðir.
Tak niður