Heini í Skorini gevur út bók á altjóða forlagi

Í september í ár gevur Heini í Skorini út altjóða bók um spenningarnar ímillum talufrælsið og religión. Bókin eitur "Free speech, religion and the united nation". Bókin fer afturum tann politiska dystin í ST, og viðger tað diplomatiska stríðið um at definera innihaldið í altjóða lóg hesum viðvíkjandi. Bókin vísir, hvussu klassisk mannarættinda-hugtøk verða brúkt og misbrúkt av politiskum aktørum, og hvussu tað politiska stríðið um at orða og tulka altjóða lóg fer fram í praksis. Bókin er ein dagførd útgáva av Ph.D.-ritgerð frá 2017 á King’s College London, og hon verður givin út av enska forlagnum Routledge University Press.