Óvist um sjómenn sleppa undan gjaldi

Føroyskir sjómenn í Norra skulu ikki vera vísir í at sleppa undan at rinda heilsutrygdargjald, hóast kærunevndin hevur biðið Heilsutrygd gevast at krevja pengar frá manni, ið siglir við norskum skipi.

Maðurin kærdi til Kærunevndina í almannamálum, familjumálum og heilsumálum, sum gav honum viðhald.

Føroyingar, sum arbeiða í Noregi og gjalda til Folketrygd har, eiga ikki eisini at gjalda heilsutrygdargjald í Føroyum, sigur kærunevndin í niðurstøðuni.

Men áðrenn Heilsutrygd ger eftir boðunum frá Kærunevndini, fer stovnurin fyrst at spyrja seg fyri hjá Heilsu- og Innlendismálaráðnum, sigur Egil á Bø, stjóri í Heilsutrygd.