- Tíðindi, mentan og ítróttur
Zarepta skal finna nýtt stað at brenna bál
17.07.2019 - 13:13
Innlendis›Samfelag
Zarepta skal finna nýtt stað at brenna bál
Zarepta hevur í fleiri ár brent bál á einum krígsminni, men hetta verður nú steðgað. Leguhúsið skal finna annað stað at brenna bál
Í síðstu viku fekk Tjóðsavnið boð um, at Zarepta brendi bál við eina kaminu, sum er krígsminni frá 2. heimsbardaga. Vága kommuna hevði ikki givið loyvi til hetta. Helgi Michelsen, sum er savnsvørður hjá Tjóðsavninum, setti seg tí í samband við Zarepta, ið lovaði at steðga við at brenna bál á hesum økinum.
Tjóðsavnið meldaði ikki málið, tí tey hildu at tey ungu fólkini, sum høvdu brent bál, ikki høvdu hugsað um, at tey framdu nakað brot.
Talan er um kaminu, ið Tjóðsavnið ger kanningar av javnan. Í næstum verða kanningar aftur gjørdar fyri at tryggja, kaminan er í góðum standi.
Tjóðsavnið hevur gjørt hesa 3D-myndina av kaminuni. Drag í myndina fyri at síggja kaminuna frá ymiskum vinklum.
Tak niður
Nýggjastu sendingar í ÚV
Nýggjastu sendingar í SV