- Tíðindi, mentan og ítróttur
– IRF fær onga eykajáttan frá løgtinginum
16.10.2019 - 09:00
Innlendis
– IRF fær onga eykajáttan frá løgtinginum
Fígging til útreiðslurnar av spillolju má finnast aðrastaðni, sigur Helgi Abrahamsen, landsstýrismaður í umhvørvismálum
IRF tekur ímóti spillolju frá virkjum og skipum, og reinsar hana, soleiðis at oljan kann seljast aftur.
Men trupulleikin er, at størstu keypararnir ikki longur taka ímóti spilloljuni. Tí verður tað ein útreiðsla bæði at taka ímóti spilloljuni, og at sleppa av við hana aftur.
Poul Andrias Joensen, stjóri í IRF, segði við útvarpið í gjár, at teimum tørvar 2,4 milliónir í eykajáttan. Fær IRF ikki fígging, kann tað elva til álvarsliga spilloljudálking, sigur stjórin í IRF.
Helgi Abrahamsen, landsstýrismaður, vísir á aðrar møguleikar, sum kunnu geva IRF inntøku.
Eitt nú at krevja gjald frá Tórshavnar kommunu og útlendskum skipum, sum ikki rinda fyri tænastuna.
Tak niður
Nýggjastu sendingar í ÚV
Nýggjastu sendingar í SV