Sosialir miðlar eiga at dragast inn í frálæruna

17.10.2019 - 18:11
AktueltTøkni
Sosialir miðlar eiga at dragast inn í frálæruna
Tað kann vera gagnligt fyri frálæruna í fólkaskúlanum, um lærarar læra seg at draga sosialar miðlar inn í frálæruna, halda lærarar
Selma Larsen og Bodil Jacobsen hava í bachelorritgerð víst á, at tað eru nógvir fyrimunir, um sosialir miðlar verða brúktir í frálæruni í fólkaskúlanum.
Mynd: © Uni Leitisstein Hansen  

Tak niður

Facebook, Youtube, Snapchat, Instagram, WhatsApp....

Sosialu miðlarnir eru nógvir, men teir hava eitt til felags: Teir eru ein óloysiligur partur av lívinum og gerandisdegnum hjá børnum og ungu í dag.

Men innanfyri skúlagátt í føroyska fólkaskúlanum verða sosialu miðlar sæddir sum nakað, sum hoyrir frítíðini til. 

Í sambandi við bachelorritgerðina á Námsvísindadeildini, valdu Selma Larsen og Bodil Jacobsen at kanna, um sosialir miðlar kunnu brúkast í frálæruni í skúlanum, og á tann hátt minka gjónna millum mátan, sosialir miðlar verða uppfatari innan skúlansgátt, og tann leiklut, teir hava í lívinum hjá skúlabørnunum.

Kanningin hjá Bodil Jacobsen og Selmu Larsen avdúkaði, at føroyski fólkaskúlin er illa búgvin út til at lofta nýggju tøknini við snildtelefonum og teimum møguleikum, sum tøknin gevur.

Og har í liggur so næsta stóra avbjóðingin hjá fólkaskúlanum, tá tað snýr seg um sosialar miðlar og talgilding. Eigur fólkaskúlin ikki eisini at læra skúlanæmingar um, hvussu teir skulu bera seg at á sosialu miðlunum?

Formaðurin í Lærarafelagnum, Jacob Eli S. Olsen, er ikki í iva, at tað eigur fólkaskúlin, men hetta verður ikki gjørt í nóg stóran mun í løtuni.

Lyklaorðið her er talgildisbúgving, sambært Bodil Jacobsen, also, at børnini verða búgvin út til, hvussu tey skulu bera seg at á netinum. 

Men skulu sosialir miðlar og talgildisbúgving gerast ein natúrligur partur av frálæruni í fólkaskúlanum, so er neyðugt, sum formaðurin í lærarafelagnum eisini vísa á, at hetta verður sett inn í námsætlanirnar, halda Bodil Jacobsen og Selma Larsen.

Selma Larsen og Bodil Jacobsen leggja tó dent á, at hetta við at vísa á møguleikarnar at brúka sosialar miðlar í frálæruni ikki skal uppfatast soleiðis, at tankin er at tað skal yvirtaka ta siðbundnu frálæruna, sum er hornasteinurin í fólkaskúlanum.

 
 
Nýggjastu sendingar í ÚV
Mánadag 21. september
Við Tórði á túri í Trøllhøvda
113741
Mánadag 21. september
Harðveðurs hæddir (01:31)
113736
Mánadag 21. september
Nón 21. september 2020
113734
Mánadag 21. september
Norðurljóð 21. september 2020
113580
Mánadag 21. september
Áðrenn Elvis
113728
Nýggjastu sendingar í SV
Sunnudag 20. september
Andakt við Kristiani á Reynatrøð
113686
Sunnudag 20. september
Guðstænasta úr Havnar kirkju
113687
Mánadag 14. september
3-2
113470
Sunnudag 13. september
Andakt við Hallgerð Akurstein
113407
Sunnudag 13. september
Guðstænasta úr Gøtu kirkju
113403