Landsstýrið vil seta eina ADHD-klinikk á stovn

Meira enn 100 vaksin fólk bíða eftir útgreining fyri ADHD, og 150 fólk eru til viðgerð fyri ADHD. Líkt er til at bíðitíðin verður styttri, tí Landsstýrið vil stovna eina ADHD klinikk.

Bjørg Dam, forkvinna í ADHD-felagnum, heldur, at hetta er ein stórur sigur á viðurkenningarleiðini fyri ADHD.

Ætlanin er, at í ADHD-klinikkini skulu vera hjálparlækni, sálarfrøðingur, sosialráðgevi, sjúkrarøktarfrøðingur og læknaskrivari.

Klinikkin er mett at kosta 3,3 milliónur krónur um árið. Landsstýrið hevur biðið um góðar 1,6 milliónur krónur til endamálið í 2020.