Fer at kanna støðuna á Barnaheiminum

Støðan á Barnaheiminum er viðbrekin og als ikki nøktandi.

Tað segði landsstýriskvinnan í almannamálum, Elsebeth Mercedis Gunnleygsdóttir, í løgtinginum í gjár. Hon ætlar at kanna málið nærri.

Landsstýriskvinnan segði, at arbeitt verður við at bøta um umstøðurnar bæði hjá børnum og starvsfólkum.

Elsebeth Mercedis Gunnleygsdóttir hevur steðgað ætlanini at byggja nýtt barnaheim, tí hon raðfestir aðrar verkætlanir.