Navia vil brúka føroyska ull til húsabjálving

16.02.2020 - 15:20
InnlendisVinna
Navia vil brúka føroyska ull til húsabjálving
Fyritøkan vónar at fáa nýggju bjálvingina á sølumarknaðin næsta ár. Alfred Olsen, sum hevur bjálvað síni hús í Saltnesi við ull, letur sera væl at.
Føroyska ullin kann ikki bara brúkast til tógv og troyggjur - men eisini er hon fram úr góð bjálving til sethús, heldur Óli Kristian á Torkilsheyggi, stjóri í Navia

Fyritøkan Navia er nú komin eitt stórt fet nærri at gagnnýta føroysku ullina til bjálving.

-Neyðugu royndirnar eru gjørdar, og næsta stigið er at fáa eitt sonevnt "datablað" uppá ullina, soleiðis at keyparar vita niður í smálutir, hvat tey fáa, sigur Óli Kristian á Torkilsheyggi, stjóri í Navia.

Royndirnar hjá Navia vísa, at føroyska ullin er sera væl egnað til bjálving.

Ein av teimum, sum longu hevur roynt føroysku ullina til at bjálva sethús, er Alfred Olsen.

Fyrrverandi løgtingsmaðurin brúkti bara føroyska ull at bjálva við, tá hann fyri nøkrum árum síðani setti gomlu Gráasteinshúsini í Saltnesi í stand.

-Og føroyska ullini roynist framúr væl til hetta endamál, sigur Alfred Olsen.

Tilsamans koma okkurt um 70 tons av ull av føroysku seyðunum um árið. Men langt frá alt verður gagnnýtt. Í fjør tók Búnaðarstovan ímóti 27 tonsum, fyrraárið 26 tonsum, og í 2017 var eingin ullarmóttøka.

Trýst á pílin undir myndini fyri at hoyra samrøður við Óla Kristian á Torkilsheyggi og Alfred Olsen.

 
Er kopiera

Tak niður

Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585