Breddin

Breddin: Skattalóg, starvsfólk í heilsu og NATO
27-02-2020

Hvussu skal endalig søla av fiskiveiðiloyvum skattast?

Spurningurin hevur hingið í luftini, síðani nýggja fiskivinnulógin varð samtykt  beint áðrenn nýggjár. 

Avtalað varð í samgonguni, at fram til 31. mars í ár er ikki loyvi at endaliga selja veiðiloyvir, ímeðan ein leiðstur verður funnin til hvussu sølan av veiðuloyvum skal skattast. Tí skattast skal hon - og haraftrat hart, hevur løgmaður sagt

 

Tað er trupult at fáa starvsfólk til at veru um tey eldru og veiku í samfelagnum. Stórt trot er nevniliga á starvsfólkum innan heilsu- og umsorganartænastuna. 

Tað merkist millum annað í Almannaverkinum. Við útvarpstíðindini fyrradagin segði Evard Heen, stjóri í Almannaverkinum, at meira enn helvtin av lýsingunum hjá Almannaverkinum eftir fólki eru úrslitaleysar og ónøktandi.

Og í løgtinginum liggur eisini eitt uppskot til samtyktar frá Tjóðveldi, um at skipa so fyri, at fleiri fólk verða útbúgvið røktarstarvsfólk. Og loysnin er sambært flokkinum, at taka fleiri persónar inn í útbúgvingarskipanina

Tað er eitt sjónarmið, ið Tjóðveldi ikki er einsamalt um, men vísti Edvard Heen eisini á hetta sum ein part av loysnini fyri at fáa fleiri starvsfólk til økið. 

Og gongd er á málinum, tí í útvarpstíðindunum í gjár upplýsti Chik Collins, rektari á Fróðskaparsetur FØroya, at ætlani er at gera broytingar í sjúkrarøktarfrøðiútbúgvingini, so at talið av lesandi framyvir verður tvífalda.  

Spurningur kann kortini reisast við, um trupulleikin verður loystur við einasn at taka fleiri lesandi inn á útbúgvingarnar.

Tí í samrøðu við Norðlýsið  í januar vísti Jórun Petersen, stjóri á Heilsuskúlanum á, at trupulleikin er meira samansettur enn  bara at útbúgva fleiri fólk. Hon sigur tað er ein sannroynd at fleiri av teimum útbúnu heilsuhjálpara- og røktarunum skifta lívsleið til heilt annað yrki, antin beinaveg ella sum tíðin líður. 

Júst hvat orsøkin er til hetta, kann hon ikki siga, men vísir á, at eitt rættiliga stórt fráfall av útbúnum heilsuhjálparum og heilsurøktarum er ein av orsøkunum til manglandi starvfólk.

Og sambært Edvardi Heen er eisini neyðugt at hyggja eftir øðrum viðurskiftum

 

Nato er heiladeytt!

So bersøgin var franski forsetin Macron í bretska tíðarritinum The Economist ein mánað áðrenn Nato skuldi hátíðarhalda sín 70 ára føðingardag í december í fjørð.

Men hvat liggur aftanfyri orðini hjá franska forsetanum og hvat merkir tað fyri Evropa og ES, at Nato kann vera á veg at gerast innantómt?  

Á árligu trygdarráðstevnuni í Munchen 15 februar í ár greiddi franski forsetin, Emmanuel Macron nærri frá síni áskoðan um eitt Evropa, sum má ganga sínar egnu leiðir tí vesturheimurin er viknaður. Vesturlendsku virðini eru ikki longur tey somu, og populistiska rákið er við at kvæla versturlendska projekti við humanismu og fólkaræði í miðdeplinum
- Fyri 15 árum síðani hildu vit at vesturlendsku virðini vóru universel og at tey fóru at vera galdandi um allan heim - men soleiðis er tað ikki í dag - nýggj virðir seta dagsordanina í versturheiminum, og Evropa má egna egnar leiðir, segði Macron millum annað í samrøðu á trygdarráðstevnuni í Munchen.

Sambært danska rithøvundanum Peter Wivel, fyrrverandi blaðstjóra á Weekendavisen, Berlingske og Informatión fella orðini hjá Macron um eitt deytt Nato, tí ivi kann sáast um áhugan hjá USA fyri tí sokalla musketerlyftinum, grein 5. sum merkir, at verður eitt Nato land álopið skal tað síggjast sum eitt álop á øll Natolond. Tí má Evropa hava sína egnu verju og sín egnu ætlan fyri framtíðina, sigur franski forsetin.

 

Luttakarar: John Rajani, Jóhan Dahl, Kristian Martin Petersen, Mary Antonsdóttir, Óluva í Gong, Rakul í Gerðinum og Peter Wivel.

Breddin

Sending um aktuel evni, sum verður send týsdag, mikudag, hósdag og fríggjadag klokkan 10:00.
Føroyar fingu í gjár á fyrsta sinni vitjan av toppinum í ES.
15-03-2024
Umleið 1.000 fólk og teirra familjur eru komin til Føroya gjøgnum snarskipanina, síðani hon var sett í verk í november 2021
14-03-2024
220 børn í føroyska fólkaskúlanum hava ikki føroyskt sum móðirmál.
12-03-2024
Í dag er 8. mars, og í sendingini verður ljós varpað á javnstøðuna
08-03-2024
Hava vit vant okkum við kríggið millum Hamas og Ísrael, verður spurt í sendingini. Og amerikanarar sleppa at velja millum Biden og Trump í heyst.
07-03-2024
Fosturtøka er politiskt tabu. Tað er ein niðurstøða í greinasavninum "abort - grundgevingar fyri rættin at velja sjálv". Samrøða við ritstjórarnar og politiskt kjak
05-03-2024
Hvat eru tað fyri virðismikil mineralir í føroysku undirgrundini, og reiðarafelagið fyri handilsskip sóknast eftir tvískattaavtalum
01-03-2024
Hvat er ein public service sáttmáli, og hví skulu vit hava ein?
29-02-2024
Gongd í haga
27-02-2024
Hvussu eru vit fyrireikað til kríggj og kreppustøður?
23-02-2024
Vesturheimurin sær Navalny sum ímyndina av fólkaræði, men hann var eisini ein umstríddur persónur - og í tvey ár hevur einki virksemi verið á Familjudeplinum
22-02-2024
Fólkaskúlin skal broytast - aðalorðaskifti verður í tinginum í dag
20-02-2024