Íslendingar rokka sóttina burtur

Fulla heitið er: "Syngjum veiruna í burtu, öllum frjálst að leggja sitt af mörkum", meðan felagssangurin kallast "Veiran", sum er íslendskt fyri virus.

Guðný Lára og Stefan Örn Viðarsson eru tónleikarar og hjún. Vanliga eru tey við í rokkbólkinum, Rökkva, sum í hesum tíðum hvílir, eins og flestu aðrir tónleikabólkar gera. Í samrøðuni greiða tey bæði frá koronasanginum og facebookbólkinum.

Tey halda, at nú ljósnar í eystri, eitt nú fara íslendsku myndugleikarnir í næstum at lata samfelagið eitt sindur upp afturat. Og skoyta uppí, at føroyingar er hjartaliga vælkomnir í henda facebookbólk at syngj smittuna burtur.

Har leggja limirnir í hvør sínum lag sangir út, meðan Koronakórið var eitt átak at fáa nøkur teirra at syngja sama sang inn á fartelefonina ella telduna, og síðan seta hann brotvíst saman til eina heild. Stefan skrivaði tekstin.

Eftir samrøðuna hoyra vit "Veiran", sum íslendska Koronakórið syngur til lagið Eye of the Tiger.

Plátubarrin 18.4.20

Youtube leinki: https://www.youtube.com/watch?v=y_CNwi_NBwQ

ES: samrøðan er á enskum.