Sjúkrahúsini: Navnakappingin heldur fram

Kappingin um nýggj nøvn til tey trý sjúkrahúsini heldur fram, hóast hon er fyri hvøssum atfinningum.

Tað er niðurstøðan av einum fundi millum sjúkrahúsleiðslurnar og landsstýrismannin í heilsumálum.

Alexandra á Dul, stjóri á Klaksvíkar sjúkrahúsi, sigur, at tað hevur alstóran týdning fyri leiðslubólkin, at fólkið sleppur at siga sína hugsan um nøvnini.