- Tíðindi, mentan og ítróttur
- Tú skalt tora at vera frek; og at taka shitt
Føroyar hava fingið sín fyrsta kvinnuliga rappari - av tí harða slagnum.
Hon eitur Lív Lindenskov og luttekur í nýggjastu sendingini Illtonkt, sum menninir handan Swangah reka á sínum facebook-profili.
Her sæst hon í ringinum móti Poul Halli. Tey skiftast um at spilla hvønnnannan út.
Persónlig álop
Oftast eru tey rættiliga persónlig.
Til dømis verður hon sjálv kallað fyri eina skøkju í Sirkus. Og sjálv leggur hon eftir støddini hjá Poul Halli - bæði so og so.
Men persónligu álopini bila einki:
- Eg havi harða húð, sigur Lív Lindenskov, sum leggur afturat, at einki persónligt liggur aftanfyri.
Tvørturímóti, so gerast tey bæði tættari, eftir eina slíka kapping, sigur hon.
Vil spilla eina kvinnu út
Lív Lindenskov vónar, at hennara luttøka í Illtonkt kann gera tað lættari hjá øðrum kvinnum at bjóða seg fram.
- Nú er bólturin farin á rull, sigur Lív Lindenskov, sum vónar, at hon onkuntíð fær møguleikan at kappast móti einum av hennara egna kyni.
Tak niður