Bíðaðu leingi eftir bráðfeingishjálp

14.06.2020 - 14:17
Aktuelt112
Bíðaðu leingi eftir bráðfeingishjálp
- Eg eri skelkað av, at tað tók so langa tíð at fáa hjálp, sigur Herborg Torkilsdóttir, sum saman við øðrum bíðaði í 40 minuttir eftir hjálp í gjár

Tak niður

Tá ið ein kvinna í gjár gjørdist bráðfeingissjúk í Nólsoy, tók tað 40-45 minuttir at fáa hjálp á staðið. Og tað er skakandi, sigur Herborg Torkilsdóttir, sum sjálv var á staðnum. 

Tvær sjúkrasystrar vóru eisini á staðnum og góvu kvinnuni ta hjálp, hon hevði tørv á, meðan tey bíðaðu.

- Vit eru von við, at tað tekur langa tíð. Og onkuntíð hava vit verið noydd at taka sakina í egnar hendur og flutt fólk við privat bátum til Havnar, sigur Guðrun Sundar Hansen, sum hevur búð í mong ár í Nólsoy. 

Tummas í Garði, læknastjóri á Landssjúkrahúsinum, sigur í viðmerking í dag, at orsøkin til, at tað tók longri tíð enn ætlað, var, at alarmsentralurin fekk ikki fatur aftur á fólkunum, sum ringdu 112, og tí varð neyðugt at fáa fatur á tilbúgvingarfólki í Nólsoy og fáa tey at fara á staðið og kanna málið. 

 

- Eg skilji væl tað kann kennast leingi at bíða. Og avtalan við tyrlutænastuna er, at tað skal taka 30 minuttir og ikki meir, sigur Tummas í Garði. 

 

Hoyr samrøðu við Herborg Torkilsdóttir og Guðruna Sundar Hansen við at trýsta á pílin undir myndini. Hoyr samrøðu við Tummas í Garði aðrastaðni á forsíðuni á heimasíðuni. 

 
 
Nýggjastu sendingar í ÚV
Mikudag 12. august
Summartímin mikudagin 12. august
112258
Mikudag 12. august
Góðan morgun Føroyar 12.08.2020
112235
Týsdag 11. august
Tá makrelurin broytti Føroyar (2:6)
112157
Nýggjastu sendingar í SV
Mikudag 12. august
Drúgt sjónvarp: Saksun - Tjørnuvík
112264
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809