- Tíðindi, mentan og ítróttur
Føroyar spæla aftur heimadystirnar í Danmark
Føroyar skulu spæla ímóti Kekkia, Russlandi og Ukraina í undankappingini til evropameistaraheitið í Ungarn og Slovakia í 2022.
Evropeiska hondbóltssambandið EHF vil ikki loyva Føroyum at spæla heimadystirnar í Føroyum, tí eingin ítróttahøll lýkur altjóða treytirnar, sum verða settar.
At Føroyar spæla heimadystirnar uttanlands hevur verið sær, at peningur manglar í, tí Hondbóltssambandið hevur meirútreiðslur av, at manslandsliðið spælur heimadystirnar í Danmark.
Meirútreiðslan er ein knøpp millión krónur í alt. Føroyar spældu eisini sínar heimadystir í Danmark í seinastu undankapping.
Í desember fekk Hondbóltsamband Føroya 800.000 krónur til landsliðsvirksemi úr landskassanum fyri at lætta um fíggjarliga byrðuna, sum stóðst av at spæla heimadystirnar í Danmark í seinastu undankapping.
– Almennu Føroyar hava ikki skapt neyðugu umstøðurnar, so vit kunnu kappast á heimavølli í Føroyum. Tí eigur tað almenna aftur at spæla við hesaferð, sigur Hallur Danielsen frá Hondbóltssambandinum.
Hoyr útvarpssamrøðu við Hall Danielsen frá Hondbóltssambandinum.
Tak niður