Merkistein bleiv grýttur úr Strawberry Fields

03-07-2020

Beatles-sendingarnar, sum útvarpið endursendur komandi leygarkvøld, vóru fyrsta stóra verkætlanin hjá Suna Merkistein

50 ár eru liðin, síðani The Beatles doyði.

20 ár eru liðin, síðani Suni Merkistein og Pauli Magnussen gjørdu sendingarnar um tónleikabólkin.

Tí var upplagt at endursenda Beatles-sendirøðina, sum teir báðir gjørdu um aldarskiftið.

Í annaðkvøld og komandi átta leygarkvøld verður ein tími við The Beatles í útvarpinum.

Suni Merkistein vitjaði morgunsendingina at tosa um sendingarnar.

Hann tosar millum annað um ferðina til Liverpool, har teir náddu at taka upp í Strawberry Fields, áðrenn ein kvinna bað teir skrubba av og ringdi eftir løgregluni.

Á myndini sæst Suni Merkistein uttan fyri barndómsheimið hjá John Lennon.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)