- Tíðindi, mentan og ítróttur
Byggja uppsjóvarskip fyri 300 mió. kr.
09.07.2020 - 06:47
Innlendis›Vinna
Byggja uppsjóvarskip fyri 300 mió. kr.
Partafelagið Christian í Grótinum fer byggja nýtt uppsjóvarskip á Karstensen skipasmiðjuni í Skagen. Skipið skal avloysa Christian í Grótinum
Nýggja skipið skal koma ístaðin fyri núverandi Christian í Grótinum. Eftir ætlan verður skipið liðugt og handað felagnum 27. januar í 2022.
Skipið verður slakar 90 metrar langt og 17 metrar breitt. Skipið hevur 16 RSW tangar, sum tilsamans fara at rúma 3.550 m3, og skipið fer at lasta góð 3.000 tons av niðurkøldum fiski.
Nýggi Christian í Grótinum er sniðgivin og verður bygdur á Karstensen skipasmiðjuni í danska býnum Skagen.
Verandi Christian í Grótinum varð settur á sølulista fyrr í ár. Tað skipið er 17 ár og varð keypt úr Norra í 2013.
Hoyr samrøðu við Jan Petersen, stjóra í partafelagnum Christian í Grótinum.
Tak niður
Nýggjastu sendingar í ÚV
Nýggjastu sendingar í SV