Byggja smoltstøðir í Skotlandi fyri 350 mió. kr

Bakkafrost fer at gera íløgur í tvær ella tríggjar smoltstøðir í Skotlandi fyri 350 milliónir krónur. Tær skulu ala størri smolt at seta út.

Íløgan verður gjørd, hóast koronukreppan hevur havt stóra ávirkan á fyrsta rakstrarárið hjá Bakkafrosti í Skotlandi, sigur Regin Jacobsen, stjóri.

Alivirksemið hjá Bakkafrosti í Skotlandi gav umleið 29 milliónir kr. í avlopi annan ársfjórðing í ár.

Meiri verður at frætta í útvarpstíðindunum klokkan 18.