Dómurin verjir fría samráðingarrættin

Reiðarafelagið fer nú at taka støðu til, um endurgjaldskrav skal reisast móti Fiskimálaráðnum.

Hóast dómurin bara snýr seg um 2016, so var sama støða galdandi í 2017. Tá vóru fiskirættindi seld á royndaruppboðssølu fyri 135 milliónir krónur. 

Og tá manningarnar, sambært dóminum í Føroya Rætti, áttu at rinda stívliga triðing av rokningini, so kann samlaða endurgjaldið fyri 2016 og 2017 gerast umleið 60 milliónir krónur.

Stefan í Skorini, stjóri í Reiðarafelagnum, tekur tó tað fyrivarni, at Fiskimálaráðið hevur møguleika at kæra dómin í Føroya Rætti til Eystara Landsrætt.