Joe Bide varð í dag svorðin í eið, sum forseti í USA, og tekur við eftir Donald Trump, sum hevur verið forseti síðstu fýra árini.
Vit hyggja eftir nøkrum av politisku avrikunum hjá fráfarandi forsetanum og hvat stendir eftir honum nú fýra ár við Trump eru komin at enda.
Eisini fara vit at kaga fram í tíðina, hvørjar avbjóðingar standa fyri framman hjá nýggja forsetanum Joe Biden.
Vit hoyra frá Tóra Højgaard, løgfrøðingi og sum fylgir væl við amerikanskum viðurskiftum Heina í Skorini, Ph.D í altjóða viðurskiftum, Sigmundi Isfeld, føroyskur sendimaður í Kina, Martin Breum tíðindamaður og rithøvundur við serligum áhuga fyri arktisum viðurskiftum, og Regin Winther Poulsen, tíðindamaður í Washington.

Sendingina gjørdu Heini Gaard og Uni Leistisstein Hansen

Tróndur Olsen var redaktørur.