Stórtingsval er í grannatjóð okkara Noregi í dag, og tað varpa vit ljós á í Nón.

Ein borgarlig samgonga, við Ernu Solberg frá konservata flokkinum Højre á odda, hevur sitið við valdið seinastu 8 árini. Men líkt er til at Norra nú fer at fáa eina vinstravenda samgongu við Jonas Gahr Støre frá Sosialdemokratiska Arbeiðaraflokkinum sum forsætisráðharra.

Vit tosa við Jógvan Hugo Gardar, journalist, sum býr og starvast í Norra.
Vit fáa eisini orðið á tveir navnframar norðmenn í Føroyum, Gunn Hernes og Edvard Heen, og eisini tosa vit við Magna Ólavson Danielsen, føroying, ið hevur búð í Norra í nógv ár.

At enda spyrja vit norskan granskara um, hvønn týdning bumbuálopið á stjórnarbygningarnar í Oslo og hópdrápini á Utøya, hava havt á norskan politikk og politiska orðaskiftið í Noregi.