Ov fáir menn eru lærarar

22-10-2019

Færri og færri menn eru lærarar, meðan kvinnurnar gerast fleiri og fleiri. Heldur hetta fram, verður ongin mannligur lærari eftir um nøkur ár

Í fólkaskúlanum eru - í hvussu er lutfalsliga - ov fá mannfólk. Og kvinnuligu lærararnir - tað eitur ikki lærarinna longur - gerast alsamt fleiri.

Heldur gongdin fram, so er so at siga eingin mannligur lærari eftir um nøkur ár.

- Ein skjót framrokning her, sum eg arbeiði dagliga, vísir, at heldur verandi gongd fram, verða vit tríggir menn eftir av 30 lærarum um fá ár, sigur Dagfinn Olsen, lærari í Vágs skúla, sum hugleiðir í klummu á heimasíðuni hjá Skúlablaðnum um javnstøðu innan fyri skúlagáttina.

30 prosent eru menn

Nýggjastu tølini vísa, at umleið ein triðingur av lærarunum í føroyska fólkaskúlanum er menn, meðan 70 prosent eru kvinnur.

Dagfinn Olsen rør í klummu síni eisini upp undir tosið um kynskvoteringar, sum einamest snýr seg um at fáa fleiri kvinnur inn á ting til dømis.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)