Afturberingin av lærlingalønini verður óbroytt

20.04.2016 - 08:11
AktueltPolitikkur
Afturberingin av lærlingalønini verður óbroytt
Tingið hevur felt eitt uppskot um at øll lærlingalønin skal endurrindast, meðan lærlingarnir eru í skúla
 
 

Tingið hevur felt uppskotið hjá Sambandsflokkinum, um at øll lærlingaløn verður endurrindað, meðan lærlingar eru í skúla, fyri at fáa fleiri lærlingar.

Skipanin skuldi sambært uppskotinum verða galdandi í góð fýra ár.

Meirilutin í mentanarnevndini segði, at undir viðgerðini í nevndini er komið fram, at átakið at hækka afturberingina úr 75 upp í 100 prosent fyri tíðina, tá lærlingurin er í skúla, ger einsamalt ongan mun, og eigur at verða partur av størri átaki. 

Hetta arbeiðið eigur at verða fyrireikað í samstarvi við vinnuna og partarnar á arbeiðsmarknaðinum. 

Landsstýriskvinnan hevur greitt frá, at arbeitt verður við at savna fleiri átøk, sum skulu styrkja útbúgvingarøkið. 

Minnilutin í mentanarnevndini, Fólkaflokkurin og Sambandsflokkurinm, mælti tinginum til at samtykkja uppskotið frá Sambandsflokkinum. 

Tá atkvøtt varð við aðru viðgerð, vóru 10 atkvøður fyri og 11 ímóti, og uppskotið fall sostatt.

Nýggjastu sendingar í ÚV
Sunnudag 23. september
Meg minnist: Jákup Mikal Mikkelsen (2:2)
85431
Sunnudag 23. september
Guðstænasta í Haldórsvíkar kirkju
85660
Sunnudag 23. september
Einsamallur úti á opnum havi
85609
Leygardag 22. september
Morgunlestur leygardagur 22. september 2018
85416
Nýggjastu sendingar í SV
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382